شوق الفنان شيكو، جمهوره لأحدث أعماله السينمائية وهو فيلم بعنوان «صقر وكناريا» والذي يشهد تعاونه مع الفنان محمد إمام، ما أثار تفاعل جمهوره ومحبيه الذين أعربوا عن ترقبهم لعرض العمل وتمنياتهم بنجاحه.

شيكو: الأعلى أجرا في مواجهة الأعلى وزناً

وشارك شيكو متابعيه بموقع «انستجرام» صورة له برفقة محمد إمام وكتب: «الأعلى أجراً في مواجهة الأعلى وزناً في السينما المصرية».

وأضاف: «إن شاء الله هتتفرجوا علي فيلم حلو أوي معمول بمزاج مع حبيبي اللي أنا مبسوط أوي أوي أوي إني اشتغلت معاه النجم محمد إمام من أكتر الناس المحترمين و المتواضعين و المجتهدين اللي شوفتهم في الشغل وأحلى طاقة إيجابية لكل اللي حواليه شرف ليا يا ايمز الشغل معاك».

وتابع: «من إخراج ملك الأكشن الأستاذ حسين المنباوي، وتأليف الباشمهندس الزميل أيمن وتار، وإنتاج حبيبي اللي اشتغلنا كتير مع بعض الأستاذ وائل عبد الله، وأخويا المنتج اللذيذ الحماسي أحمد بدوي.. صقر وكناريا عمل استثنائي فنيا وإنسانيا ومن ألذ التجارب الي عملتها وأوعدكم هتتبسطوا أوي أوي، انتظرونا في عيد من الأعياد بقى».

محمد إمام لـ شيكو: أحلى وألذ واحد اشتغلت معاه

ورد محمد إمام على منشور شيكو بقوله «أحلى وألذ واحد اشتغلت معاه ده غير اجتهادك الجبار وروحك الحلوه يا شيكو يا جامد، متحمس جداً الناس يشوفونا مع بعض لأول مرة و يتفرجوا على المفاجأه اللي احنا عاملينها إن شاء الله».

نجوم الفن يتفاعلون مع منشور شيكو

ومن جانبهم، تفاعل عدد من النجوم مع منشور شيكو، حيث كتب الفنان حمدي الميرغني: «وإن شاء الله يبقي الأعلى إيراد أكيد»، فيما علق أوس أوس بقوله «هدغدغوا الدنيا بإذن الله»، ليرد عليهم محمد عبد الرحمن: «ولعوا الدنيا يا شياكة».

اقرأ أيضاً
بعد أزمة «الأعلى أجرا».. محمد إمام: مفيش حد بينجح لوحده وكل عمل وراه منظومة

«أنا ابن أكبر نجم في التاريخ».. محمد إمام يعلق على المنافسة الفنية