حرص أحمد سليمان، عضو مجلس إدارة نادي الزمالك، على توجيه رسائل تحذيرية، لمجلس إدارة القلعة البيضاء برئاسة حسين لبيب، بعد دخوله في أزمات وخلافات معاهم خلال الفترة الماضية.

وقال أحمد سليمان في تصريحات تليفزيونية عبر برنامج اللعيب على شاشة «إم بي سي» مصر:« مش هسكت على اللي بيتسرب ضدي في السوشيال ميديا، زي تسريب صورة لي في دبي وبيقولوا إني سهران بفعل فاعل وحاجات كتير والله ما هسيبها لإن ده هدم لنادي الزمالك وليس أحمد سليمان».

وأضاف: «أنا مشيت بمراحل.. الأولى كانت شفاهيه جوه مجلس الإدارة، بعد كدة بقت بورق ومذكرات رسمية، ثم تنبيه لمستشارين بالمجلس زي عبد الله جورج وكمال شعيب واتكمت إنكم هتوصلوني لمرحلة إني أتكلم برا».

وتابع سليمان: «الزمالك كان ممكن يكون أحسن من كدة بكتير أوي، واللعيبة اللي جات في أول السنة عبد الله السعيد وناصر ماهر جايين مجانا والوحيد اللي دفعت فيه فلوس محمد شحاتة 20 مليون جنيه».

واختتم عضو مجلس إدارة الزمالك تصريحاته قائلًا: «كل جلسة بشيد بمجلس الإدارة، وبقالي 3 سنين بطلع في برنامج اللعيب مفيش مرة انتقدت مجلس الإدارة، وبؤيدهم، على الرغم من إن قبل جوميز كان مجلس الإدارة اللي بيجيب اللعيبة».