حرص المخرج رامي إمام، على الإشادة بالمخرجة مايا أشرف زكي، في أولى تجاربها الإخراجية بمسلسل «حد أقصى» بالتعاون مع والدتها الفنانة روجينا خلال الساعات القليلة الماضية، والمقرر عرضه ضمن أعمال الموسم الدرامي لمسلسلات رمضان 2026.

رامي إمام يشيد بـ مايا أشرف زكي

وشارك رامي إمام، عبر حسابه الرسمي بموقع تداول الصور والفيديوهات «إنستجرام» صورة من كوليس مسلسل «حد أقصى»، معلقة عليها قائلة: «النهارده بكتب كابشن مش متعود أكتبه، ومليان مشاعر مش عارف أوصفها، يمكن لان أول مرة هقول بإحساس غريب كده إن في حد طالع من مدرستي وأنه من تلامذتي».

وأضاف رامي إمام: «أنا اللي لسة بتعلم لحد دلوقتي، البنت دي أنا حضرت وشوفت رحلتها خطوة خطوة. إحساس صعب، كبير، من 13 سنة، مايا زكي كان عندها 17 سنة (طبعاً هي هتخنقني علشان قولت سنها) كانت لسه طالبة في أولى معهد سينما قسم إخراج».

وتابع رامي إمام: «ابوها أشرف زكي حبيب قلبي، سلّمها لي وقال لي: «دي بنتك، من فضلك بهدلها معاك، ومن اللحظة دي، شفت بنت صغيرة جدًا جدًا وهي بتكبر قدامي في المجال، بدأت معايا مساعدة صغيرة، واتعلمت، واجتهدت، واترقّت، من مساعدة لمساعدة أولي وشالتني كتير لحد ما النهارده بقت مخرجة في اول عمل ليها السنة دي، في رمضان 2026 إن شاء الله».

وأشار رامي إمام، إلى تعاونها مع والدتها، قائلا: ع مين.. مع أمها، حبيبتي الغالية روجينا، أيوة هي من عيلة فنية كبيرة رحلة كاملة شفتها بعيني، بكل تعبها وبكل لحظة قوة وضعف، الفخر اللي حاسس بيه مش عادي… مش بس عشان وصلت، لكن لأنها تستحق فعلًا المكان اللي هي فيه. عندها شخصية قيادية، حضور، ووعي يخليها مش مجرد مخرجة، لكن واحدة من المخرجات الكبار في مصر إن شاء الله، بحبك، وبشجعك من قلبي، وواثق في اللي جاي أكتر من أي وقت فات».

مسلسل «حد أقصى»

ويُعَد مسلسل «حد أقصى» من الأعمال الدرامية المنتظرة، ويجمع بين النجمة روجينا وابنتها المخرجة مايا أشرف زكي في تعاون أول بينهما، وسط حالة من التركيز والالتزام داخل موقع التصوير، تمهيدًا لتقديم عمل درامي مميز للجمهور.

اقرأ أيضا:

رامي إمام يكشف أسرارًا جديدة عن والده الزعيم عادل إمام في «فضفضت أوي»

رامي إمام يروي قصة ضربه من الزعيم عادل إمام بسبب فيلم «المحفظة معايا»

نوران ماجد تتعاقد على فيلم «الورشة» مع هشام ماجد وأكرم حسني