أعلنت الإعلامية سالي عبد السلام، حملها للمرة الثانية، مطالبة جمهورها بالدعاء لها، وذلك بعد مرورها بتجربة فقدان توأمها الأول في وقت سابق.

سالي عبد السلام تعلن عن حملها للمرة الثانية 

وشاركت الإعلامية سالي عبد السلام، فيديو تعلن من خلاله حملها، وفقا لما رصده موقع تحيا مصر، ولك عبر صفحتها الرسمية على موقع التواصل الاجتماعي إنستجرام،وعلقت عليه:  بسم الله نبدأ ٢٠٢٦ ببركة ورزق و هبة من اللهـ أنا كان  نفسى انى احط فيديو على الاغنية دى اوى والله، انا من امبارح عايزة اعيط من جمالكم بجد! انا شفت دعوات عمرى ما شفتها فى حياتى..شكراً من قلي، كل اللى حواليا قالولى متقوليش..اسكتى..قولى لما تولدى..بس حقكم تعرفوا!

وتابعت: حقكم انكم تعرفوا دعواتكم اللى شوفتها وسمعتها او اتقالتلى فى وشى ان ربنا كرمنى بيها و بكل واحد فيكم…وده سر قوتى وعمرى ما بنسى، لما الناس بتقولى اشمعنى انتى بيدعولك او بيحبوكى بخاف اتحسد عليها اه دعوات الناس تغير الاقدار ومستجابة اكتر من دعواتى لنفسى لو قولتلكم انى استنيت دورى سنين عشان ربنا يرزقنى الرزق والهبة دى عارفة انكم هتصدقوا ..الحمدلله خسرت تؤام بس ليا بيتين فى الجنة و بدعواتكم ربنا كرمنى و هيكرمنى و هيكملها على خير و هيبقى معايا زينة الحياة الدنيا واللى يوهبه رضا اى كان.

سالي عبد السلام: محتاجة دعوات كتير لان الطريق مش سهل

وأضافت: وهو على هين الوهاب عايزة دعوات كتير اوى ،اكتر من الدعوات اللى فاتت والله عشان الطريق مش سهل وكل شوية يحصل حاجة تصعب المشوار و مضاعفات وكل شوية اخاف اكتر…
اضعاف ما دعيتم و تمنيتم يا رب ربنا يرزق كل واحد نفسه يا رب.

سالي عبد السلام

 سالي عبد السلام من أبرز المذيعات في مصر والعالم العربي، حيث استطاعت بفضل شخصيتها المرحة والعفوية أن تحجز لنفسها مكانة مميزة في قلوب الجمهور، وُلدت سالي عبد السلام في القاهرة، ودرست في كلية الإعلام قسم الإذاعة والتليفزيون، وهو ما أهلها لاحتراف العمل الإعلامي مبكرًا. وبدأت سالي عبد السلام مسيرتها من قناة النيل للمنوعات، قبل أن تنتقل لتقديم برامج على عدد من القنوات الكبرى، لتصبح واحدة من أبرز الوجوه التليفزيونية في مصر.