تحدث الفنان أحمد حلمي، عن موقفه من العودة إلى خشبة المسرح، بجانب موقفه من الجزء الثاني لفيلم سهر الليالي، والعمل الذي يجمعه مع زوجته الفنانة منى زكي.

قال أحمد حلمي في لقائه ببرنامج سبوت لايت الذي تقدمه الإعلامية شيرين سليمان، على قناة صدى البلد، عن تكريمه بمهرجان ظفار الدولي للمسرح بدورته الثانية: «التكريم دايمًا بيكون للفنان حاجة حلوة جدًا، دايمًا بتعرفه إن هو جايز ماشي كويس، جايز ماشي على الخطى مضبوطة، وتظهرله حب الناس ونتقابل في مهرجان ونتعرف على ناس ومبدعين وفنانين ونتلقى ثقافات مختلفة».

وفيما يخص أعماله بالمسرح، قال: «عملت 3 مسرحيات فاتوا، وإن شاء الله قريبًا هيكون في مسرحية رابعة جديدة، وكنت منقطع عن المسرح ورجعت من 3 سنين بـ 3 أعمال مختلفة، والمسرح تجربة مختلفة، يعني بيمشي في دمي، أنا خريج فنون مسرحية، وأهدي التكريم لأكاديمية الفنون بمعهد الفنون المسرحية وأوجه الشكر لكل الدكاترة وأساتذتي وبعد ربنا ليهم فضل كبير عليا وموجود هنا النهاردة بسببهم».

واستكمل: «المسرح عمل جماعي والناس بتروح عشان تتبسط وتضحك وكل ما كان فريق العمل كوميديانات كل ما المسرح وصل، وبحب أشتغل مع حمدي الميرغني بحب أشتغل معه خطير وبيننا كيميا خطيرة وكوميديان جميل وأحب اشتغل مع شريف منير على المسرح، شريف منير قدير يعني ثقيل على المسرح».

" frameborder="0">

وكشف أحمد حلمي تطورات أعماله الجديدة بالسينما فيلمي «حدوتة، وأضعف خلقه»، قائلًا: «حدوتة حاليًا بمراحل المونتاج والمكساج والموسيقى وأضعف خلقه تقريبًا في المراحل النهائية، ويعتبروا جاهزين لكن لا أعلم موعد طرحهم».

واختتم: «كان فيه فيلم هيجمعني بمنى زكي لكن كل ما نيجي نعمله يا هي بتدخل مشروع جديد مسلسل رمضاني مثلا أو أنا أدخل فيلم جديد ومابتظبطش لكن نفسي نلحق نعمل حاجة، أما سهر الليالي زماننا نايمين كبرنا خلاص كلنا مابقناش نصحى وهما بيعملوا الجزء الثاني بزملاء جدد ومتحمس أشوف الفكرة بعد السنين دي هتطلع إزاي وده كلام ممكن يخوف تامر حبيب المؤلف لكنه قدها وقدود».