شن شريف حازم، نجم الأهلي السابق، هجومًا على أحمد مصطفى زيزو، لاعب الفريق الأول لكرة القدم بالنادي الأهلي، بسبب مستواه مع الفريق الأحمر منذ انضمامه خلال الموسم الماضي.

وقال شريف حازم، خلال تصريحاته ببرنامج «اللعيب» عبر قناة «إم بي سي مصر»، إن زيزو لا يمتلك المميزات المطلوبة في مركز الجناح، موضحًا: «الجناح مفروض يبقى فيه ميزة من اتنين، إما سريع أو حريف، وزيزو مش متوفرة فيه الاتنين بشكل كبير، يعني لا هو في سرعة بيزيرا وشيكو بانزا، ولا هو في مهارة الشحات وبن شرقي».

وأضاف: «زيزو سريع بس مش في سرعة اللاعب الإفريقي، ولعيب كورة كويس، ولكن مينفعش يكون في نص الملعب، مش لازم زيزو يلعب أساسي».

واختتم تصريحاته بالتأكيد أن من أسباب الارتباك داخل الأهلي منذ الموسم الماضي اعتبار مشاركة زيزو أساسيًا أمرًا إلزاميًا، قائلًا: «اللي عامل لخبطة في النادي الأهلي من السنة اللي فاتت، إنه لازم يلعب، مع إنه ده مش إلزام».

اقرأ أيضاً
اكتمال صفوف الزمالك مواجهة الأهلي.. موقف المحترفين وحقيقة أزمة المستحقات

أحمد جعفر: دفاع الزمالك الأقوى.. وهجومه قادر على معاقبة أخطاء الأهلي

أحمد جعفر: دفاع الزمالك الأقوى.. وهجومه قادر على معاقبة أخطاء الأهلي