كشفت الفنانة منى زكي، تفاصيل شخصيتها في مسلسل «طالع نازل»، الذي يُعرض حاليًا على إحدى المنصات الرقمية، ويحقق نجاحًا كبيرًا، كما ردت على التساؤلات المثارة حول غياب زوجها الفنان أحمد حلمي عن تكريمها في مهرجان الجونة السينمائي.

تفاصيل شخصية منى زكي في «طالع نازل»

أوضحت منى زكي خلال لقائها في برنامج «ET بالعربي»، أن شخصيتها في مسلسل «طالع نازل»، ليست شريرة بل تأخذ حقها فقط، قائلة: «من وجهة نظري نورا مش شريرة، كانت بتاخد حقها، حق حياتها اللي ضاعت، حق كل العطاء اللي هي إديته بلا حدود أنا باخد حقي، معرفش ده لو بالنسبة لكم شر».

وأضافت: «نورا مش نكدية على قد ما هي بتحاول بالعكس مبينش ضعفها ولا انكسارها، فأنا حاسة إن النكد ده كان بس وقت الصدمة، نورا عندها حاجات تانية ممكن لما يخلص المسلسل نبقى نتكلم عليها».

وأشارت إلى أن دور الخيانة في «طالع نازل»، يختلف عن «سهر الليالي»، مضيفة: « مختلفة فعلًا، بيري في سهر الليالي غير خالص نورا، علاقتها بجوزها غير برضه، كل الملابسات والشخصيات وكل حاجة مختلفة وحتى العمر ما بين الشخصيتين مختلف».

تعاون منى زكي ومحمد شاهين

وعن تعاونها لأول مرة مع الفنان محمد شاهين، قالت منى زكي: «أنا وإحنا بنشتغل ما كنت واخده بالي من الكيميا اللي بينا، لأني عايزة أنتقم منه وخلاص دخلت بصلب الموضوع بس لا من الأول أكيد بحب شاهين جدًا كممثل وبتفرج عليه ومن معجبينه، وفي لام شمسية كان عالمي».

وأضافت: «أعتقد الكيميا دي كان ملاحظها أستاذ هاني لمجرد إن هو اختارنا أصلًا مع بعض، وإن هو اللي كان محافظ على ده في توجيهاته ليا ولشاهين ولكل الممثلين ومش بس شاهين».

منى زكي تكشف حقيقة غياب أحمد حلمي عن تكريمها في الجونة

وحرصت منى زكي، على الرد على تساؤلات الجمهور، حول غياب أحمد حلمي، قائلة: «الناس بتقولي هو حلمي ما جاش ليه؟، يعني أكني مخبية حاجة.. لا هو بس حلمي مسافر مع ليلي يعني بيعمل لها حاجة فما قدرش يبقى موجود مش أكتر يعني».

وعلقت على الشائعات التي روجت بأن حلمي تعمد الغياب لترك المساحة لها لتتصدر الأضواء، قائلة: «يعملها بس الحقيقة إنه مسافر.. يعملها أكيد جوزي معطاء ودائمًا بيساندني وأنا.. يعني لو قعدت أعد قد إيه هو ساندني ووقف جنبي في حاجات كتير أوي مش هعرف أعدها».

وأضافت منى زكي: «فهو سندي وهو كل حاجة يعني وأبو ولادي وبني آدم فنان جدًا وبيقدر الفن بشكل عام وعنده مواهب متعددة مش بس ممثل يعني».

اقرأ أيضاً
أحمد حلمي يمازح منى زكي بعد تكريمها بالجونة: «بيعي الكنبة يا منى»

منى زكي تكشف سر فرط حركة أحمد السقا وكواليس تعاونها مع جيلها

منى زكي لابنتها لي لي: بنصحها متتجوزش.. يعني تحب وتتساب وتحب تاني